Thursday, April 11, 2013
Monday, April 1, 2013
కవిత
ఈ రోజు ఆంధ్రభూమిలో ప్రచురితమైన నా కవిత
http://www.andhrabhoomi.net/content/a-413
అబల కాదు అంకుశమై నిలవాలి
క్షిపణిలా అంతరిక్షంలోకి దూసుకెళ్లే అతివలున్నా
గర్భస్థ పిండంగానే పిండప్రదానం పొందే ఆడకూనలెన్నో
అయ్యో పాపం వారి ఆర్తనాదాలకు ఊరడింపు గీతం
ఆకాశంలో సగం కాదు
పుడమిపై పాతిక శాతమయ్యే విపత్తు
ఆడపుట్టుక పుటల నిండా చిదిమేసిన చేవ్రాలెన్నో
కుక్కలనోట, కాటి పాలిట గిరాటైన ఆడపిల్లలు
జననానికి మరణానికి నడుమ అడుగడుగునా గండాలే
ఆటబొమ్మను చేసి ఆడించే వేదికలు
రూపంపై రూకల మూటల వాణిజ్యాలు
చూపులే సూదులై గుండెపై దాడులు
కంటి తుడుపుల మాటల మంత్రాలు
లేపనాలు వద్దు, చీడలపై ద్రావకాలు రంగరించు
నివారణ కాదు నిష్కృతి, నిర్మూలనే ధ్యేయం కావాలి
మనిషి మనిషిలో ఆలోచనల నెగళ్ల నెగదోయాలి
మెదడులో కాదు ఆలోచన, హృదయంలో మొలకెత్తాలి
అన్యాయాన్ని ఎదిరించే ఆదిశక్తి కావాలి
ఆడపిల్ల పుట్టిందని ఉలిక్కిపడటం కాదు
అంకుశం పుట్టిందని గర్వపడాలి.
Subscribe to:
Posts (Atom)