రైతు హృదయక్షేత్రం

దేశానికి వెన్నెముక

వెన్ను విరిగి వెక్కుతున్న రైతన్న

వరుణిడి కరుణరాలకున్నా

బోరుబావి బోరుమన్నా

సాగునీరులేక పంటసాగిలపడినా

రైతన్న కళ్లలో నిత్యవర్షమే

విత్తనాల మ్యాజిక్కులు

ఎరువుల జిమ్మిక్కులు

రైతులెరుగని లాజిక్కులు

ధర్మం కుంటుతోంది

ఋతుధర్మానిదీ అదేబాట

పురుగుకు వెరచి పరుగుపెట్టే పెస్టిసైడు

రైతును కరిగించే సైనైడు

మొలకెత్తని కల్తీ విత్తనాలు

మిగిల్చేది పుడమితల్లికి పురిటి నొప్పులు

దాహమందక తలలు వాల్చేసిన నాట్లు

వేస్తాయి రైతుగుండెపైన నాగలి గాట్లు.